Tramp 41 illik qərarı bir imza ilə ləğv etdi
ABŞ Prezidenti Donald Tramp 41 ildir qüvvədə olan aviasiya məhdudiyyətlərinin aradan qaldırılması istiqamətində qərar imzalayıb.
Adalet.az xəbər verir ki, Tramp 2026-cı il sentyabrın 30-da imzaladığı sənədlə 1985, 1992, 1998 və 2007-ci illərdə qəbul edilmiş dörd prezident qərarını ləğv edib.
Bu addım ABŞ ilə Livan arasında birbaşa sərnişin uçuşlarının bərpasına yol aça bilər.
Məhdudiyyətlərin tarixi 1985-ci ildə baş vermiş qanlı terror hadisəsinə gedib çıxır. Həmin il ABŞ-nin TWA aviaşirkətinə məxsus 847 saylı sərnişin təyyarəsi “Hizbullah”la əlaqəli silahlılar tərəfindən qaçırılmışdı.
Hadisə zamanı ABŞ Hərbi Dəniz Qüvvələrinin dalğıcı Robert Stethem öldürülmüşdü. Bundan sonra prezident Ronald Reyqan Livanla hava əlaqələrinə ciddi məhdudiyyətlər tətbiq etmişdi.
Yeni qərar Beyrutla ABŞ-nin iri şəhərləri arasında birbaşa aviareyslərin təşkilinə imkan yarada bilər. Lakin uçuşların faktiki başlanması üçün aviasiya təhlükəsizliyi yoxlamaları, tənzimləyici qurumların razılığı və iki ölkə arasında müvafiq razılaşmalar tələb olunur.
Livanın milli aviadaşıyıcısı “Middle East Airlines”ın 2027-ci ilin sonlarında və ya 2028-ci ildə ABŞ-yə birbaşa uçuşlara başlaya biləcəyi ehtimal edilir.
Belə bir addım Livan iqtisadiyyatı, turizm sektoru və ABŞ-də yaşayan livanlı icma üçün mühüm əhəmiyyət daşıya bilər.
Digər Xəbərlər
23 Noyabr 2026 00:00
Tramp İrana zərbələrin bərpasını nəzərdən keçirir
22 Noyabr 2026 23:15
Zaxarova: BMT-də islahatlar təşkilatın bütün sahələrini əhatə etməlidir
22 Noyabr 2026 22:23
Hörmüzdə tankerlər minaya düşərək partladı
22 Noyabr 2026 19:00
"İsrail Suriyaya hücum edə bilər"
22 Noyabr 2026 18:54
Avropa İttifaqı gələn il miqrant axınında rekord gözləyir
22 Noyabr 2026 18:51
Taxta çıxanda qardaşını tituldan məhrum edə bilər - Kral ailəsində qalmaqal
22 Noyabr 2026 18:36
“Açıq sərhədlər dövlətləri məhv edir” - Tramp
22 Noyabr 2026 18:25


Bakı -°C

