ABŞ prezidenti Donald Tramp bildirib ki, 30 iyul Cümə axşamı günü Qahirədə vasitəçilər və HƏMAS liderləri arasında aparılan danışıqlar nəticəsində Qəzzada tərksilahla bağlı mərhələli razılaşma əldə edilib. 

Adalet.az xəbər verir ki, bu  barədə Tramp sosial mediada yazıb.

"Bu gün Sülh Şurası HƏMAS və Qəzzadakı bütün digər silahlı qrupları tamamilə tərksilah etmək üçün tarixi bir razılığa gəlib", - paylaşımda qeyd olunub. 

O, tərksilahın mərhələli şəkildə baş verəcəyini əlavə edib:

"Bu, davamlı sülh və təhlükəsizlik yolunda atılmış möhtəşəm bir addımdır."

Tramp bildirib ki, razılaşma Qəzzanın "Sülh Şurası" ilə sıx əməkdaşlıq edəcək yeni Fələstin hökuməti tərəfindən idarə olunması istiqamətində mühüm addımdır.

ABŞ prezidenti əlavə edib ki, "Eyni zamanda, İsrail layiq olduğu təhlükəsizliyi alacaq, çünki Qəzza artıq terror hücumları üçün baza kimi istifadə olunmayacaq".

Lakin HƏMAS mənbəsi "Reuters" agentliyinə bildirib ki, "layihə müqaviləsi" ağır silahların yalnız Fələstin Muxtariyyəti tərəfindən saxlanılacağını və nəzarət ediləcəyini və İsrailə ötürülə bilməyəcəyini nəzərdə tutur.

"İsrail qoşunları Qəzza zolağından çəkilənə qədər tərksilahla bağlı heç bir tədbir görməyəcəyik", - mənbə qeyd edib.