ABŞ prezidenti Donald Tramp hərbi və ticarət gəmilərinin Panama kanalından sonra  Süveyş kanalından da ödəniş etmədən  keçməsini tələb edib.

Adalet.az xəbər verir ki, aprelin əvvəlində Tramp misirli həmkarı Əbdülfəttah əs-Sisi ilə söhbətində Amerika gəmilərinin Süveyş kanalından ödənişsiz  keçidinə nail olmaq istədiyini bildirib.O, həmçinin əmindir ki, Amerika gəmiləri Atlantik və Sakit Okeanları birləşdirən Panama kanalından keçərkən gömrük maneələri olmamalıdır.

Bu barədə mənbələrə istinadən The Wall Street Journal (WSJ) məlumat yayıb.

Nəşr bildirir ki, Tramp bildirib ki, ABŞ hərbi yardım və kəşfiyyat mübadiləsi yolu ilə Husilərə qarşı əməliyyatlarında Misirin dəstəyini təmin etmək istəyir. O qeyd edib ki, bu, Süveyş kanalı vasitəsilə nəqliyyatın hərəkətini yaxşılaşdıra bilər. Bununla belə, Əl-Sisi buna qarşı çıxıb və Qəzzada atəşkəsin əldə olunmasını “husiləri dayandırmağın ən yaxşı yolu” adlandırıb.

 Əntiqə Rəşid