ABŞ prezidenti Donald Tramp Konqressin hər iki palatasının birgə iclasında, "Golden Dome" (Qızıl kümbəz") adlı yeni planının hazırlanması və raket əleyhinə yeni sistemin yaradılacağını elan etdi.

 ABŞ prezidenti çıxışı zamanı qeyd edib ki, onun bu təşəbbüsü "gələcəyin ən güclü ordusunu yaratmağa yönəlib". Tramp Konqressi bu layihəni maliyələşdirməyə çağırdı. 

 Analoji sistemin yaradılması, hələ yaxın  keçmişdə (1981-1989),  Ronald Reyqanın prezidentliyi dövründə də müzakirəyə çıxarılmışdı. Trampın sözlərimə görə, sadəcə olaraq o vaxtın texnologiyası bunun həyata keçirilməsi üçün kifayət etmirdi. "İndi bizim bu layihəni həyata keçirmək üçün texnoloji imkanlarımız var. Əslində bu inanılmaz bir layihədir"- deyə prezident bildirib.

 Donald Tramp müasir dünyanın təhlükəli bir vəziyyətdə olduğunu, ölkəsinin və vətəndaşlarının təhlükəsiz yaşamalarının təmin edilməsinin vacib olduğunu vurğulayıb.

 Tramp hələ 2025-ci il yanvarın 28-də  raket əleyhinə milli sistemin yaradılması ilə bağlı, "Amerikanın Dəmir kümbəzi" adlı fərman imzalamışdı.  Fərmana uyğun olaraq müdafiə naziri Pit Xeqcetə layihənin həyata krçirilməsinə başlamaq üçün 60 gün vaxt verilmişdi.

 Rüstəm Hacıyev