Trampın ritorikası İranla bağlı məsələləri çətinləşdirir
ABŞ Prezidenti Donald Trampın İran rəhbərliyinə qarşı sərt açıqlamaları bir sıra Amerika və ərəb rəsmiləri arasında narahatlıq doğurur və onlar bu cür ritorikanın Tehranla münaqişənin həlli üçün danışıqları çətinləşdirə biləcəyinə inanırlar.
Adalet.az-ın məlumatına görə, bu barədə "Politico" yazıb.
Nəşrin mənbələri hesab edir ki, hərtərəfli razılığa gəlmək üçün Tehrana siyasi imicini qorumaq imkanı verilməlidir. Belə ki, İran Vaşinqtonun tələbləri ilə razılaşsa belə, bu, onun hərbi mövqeyini zəiflədə bilər, İran rəhbərliyi danışıqların nəticəsini özü üçün məqbul kimi təqdim edə bilməlidir.
Danışıqlarla tanış olan yüksək vəzifəli rəsmi şəxs bildirib ki, Tramp münaqişəyə son qoymağa sadiqdir, lakin iranlılar hələlik ona vəziyyətdən siyasi üstünlüklə çıxmağa imkan verəcək şərtlər təqdim etməyə hazır deyillər. Eyni zamanda, rəsmi Vaşinqtonun Tehranın imicini qorumaq ehtiyacını da nəzərə almalı olduğunu vurğulayıb.
"Politico"nun məlumatına görə, danışıqlar hazırda gələcək əlaqələr məqsədilə yol xəritəsinin hazırlanmasına yönəlib. ABŞ dövlət katibi Marko Rubio əvvəllər müzakirələrin gələcək danışıqlar üçün təməl qoymağı hədəflədiyini bildirmişdi.
Bu arada, "Axios" tərəflərin müharibənin sonunu rəsmiləşdirə və tərəflərə daha uzunmüddətli razılaşma hazırlamaq üçün 30 gün vaxt verə biləcək bir memorandum üzərində işlədiyini bildirib.
ABŞ-nin Səudiyyə Ərəbistanındakı keçmiş səfiri Maykl Ratni hesab edir ki, hazırkı şəraitdə Trampın ictimai şərhlərdən çəkinməsi və diplomatlara əlavə siyasi təzyiq olmadan dialoq aparmağa icazə verməsi ağıllı hərəkət olardı. Nəşrin məlumatına görə, son həftələrdə ABŞ prezidenti dəfələrlə İran hakimiyyətinə qarşı sərt bəyanatlar verərək Vaşinqtonun artıq müharibədə qalib gəldiyini iddia edib.
Bu bəyanatlar fonunda Amerika rəsmiləri qlobal neft, gübrə və digər strateji əhəmiyyətli mal bazarlarına təsir edən münaqişəyə diplomatik yolla son qoymağa çalışmağa davam edirlər.
Digər Xəbərlər
17 Noyabr 2026 07:37
Wi-Fi yığışdırılacaq, diş məcunu qadağan ediləcək - Ağlasığmaz vədlər verir
17 Noyabr 2026 07:36
İran yüksəkvəzifəli ABŞ rəsmilərinə sui-qəsd hazırlayıb? - Ağ Evdən cavab
17 Noyabr 2026 07:34
Aİ Rusiyanın ən varlı qadınına sanksiya tətbiq etdi
17 Noyabr 2026 07:32
Günahını etiraf edib üzr istədi - “Kinonun nəhəngi devrildi”
16 Noyabr 2026 18:44
“Putinlə Trampın görüşü mütləq baş tutacaq” - Uşakov
16 Noyabr 2026 18:28
Latviya Rusiya və Belarusdan taxıl tranzitinə qadağanı nəzərdən keçirir
16 Noyabr 2026 17:45
Bəhreyndən İrana bağlı şəxslərə ağır cəza – 64 nəfər ömürlük həbs edildi
16 Noyabr 2026 17:40


Bakı -°C

