Türkiyə ilə saziş bağlanıb, 275 milyon kubmetr qaz alacağıq

Rusiya-Ukrayna müharibəsi nəticəsində əvvəlki marşrutlar pozulduğu üçün Macarıstan indi neft və qaz tədarükü üçün yeni marşrutlar axtarmağa məcburdur.
Adalet.az xəbər verir ki, bu barədə Macarıstanın xarici işlər və xarici iqtisadi əlaqələr naziri Peter Siyarto bildirib.
XİN başçısının sözlərinə görə, Türkiyə, Cənubi Qafqaz və Mərkəzi Asiya ölkələri ilə əməkdaşlıq sayəsində bu sahədə ciddi imkanlar açılır.
“Buna görə də bizim yeni əlaqələrə, yeni təchizat marşrutlarına ehtiyacımız var və türk dövlətləri Şərqlə Qərb arasında körpü olmaq üçün çox yaxşı imkan təqdim edir”, - diplomat vurğulayıb.
Xarici işlər naziri onu da qeyd edib ki, Macarıstan Türkiyə ilə müqavilə imzalayıb və müqaviləyə əsasən, yeni ilin əvvəlində ondan 275 milyon kubmetr qaz alacaq.
Bu il Macarıstan Azərbaycandan 100 milyon kubmetr qaz alıb. Diplomat qeyd edib ki, ölkəsinin Türkmənistan və Qətərdən qaz almaq planları var.
Digər Xəbərlər

Azərbaycan nefti bahalaşdı

Şuşada İƏT Biznes Forumu keçirilib - YENİLƏNİB

İşğal nəticəsində Azərbaycana dəyən zərərin məbləği açıqlandı

Azərbaycan və Dünya Bankı kredit müqaviləsi imzalayıb

Enerji sahəsində mühüm addımlar: Mingəçevirdə “8 Noyabr” Elektrik Stansiyasının açılışı

Sosial müavinətlər və təqaüdlər ARTIRILDI

Daha 98 nəqliyyat vasitəsi hərraca çıxarılacaq
