Türkiyə Xarici İşlər Nazirliyi (XİN) Xocalı soyqırımı 30-cu ildönümü ilə bağlı bəyanat yayıb.

Adalet.az xəbər verir ki, bəyanatda qeyd olunub:

"1992-ci il fevralın 26-da Azərbaycanın Qarabağ bölgəsində yerləşən Xocalı şəhərində günahsız mülki şəxslərə qarşı törədilmiş qətliamı lənətləyirik.

​Xocalıda yaşanan vəhşət vicdanlarda utancverici qara ləkə olaraq qalmaqdadır.

​Qətlə yetirilən 613 qardaşımızın, yaralananların, əsir götürülən və itkin düşən bütün azərbaycanlı qardaşlarımızın acısını daima qəlbimizdə daşıyırıq.

​Xocalı soyqırımında həyatını itirən qardaşlarımıza Allahdan rəhmət diləyir, Azərbaycan xalqına bir daha dərin hüznlə başsağlığı veririk".