Bu gün Türkiyədə Respublika Günü qeyd olunur.

Adalet.az xəbər verir ki, 29 oktyabr 1923-cü ildə Mustafa Kamal Atatürk Türkiyə Cümhuriyyətinin qurulduğunu elan edib. Həmin gün Türkiyənin idarəetmə forması respublika olaraq müəyyənləşdirilib.

Mustafa Kamal Atatürk Türkiyə Cümhuriyyətinin ilk prezidenti seçilib.

Respublika Günü Türkiyənin ən mühüm milli bayramlarından biridir. Bu münasibətlə ölkənin müxtəlif şəhərlərində rəsmi mərasimlər, paradlar, konsertlər və digər bayram tədbirləri keçirilir.

Qeyd edək ki, 29 oktyabr Türkiyədə rəsmi qeyri-iş günüdür. Bayram tədbirləri ənənəvi olaraq oktyabrın 28-də günortadan sonra başlayır.