İstanbul Böyüşəhər Bələdiyyəsinin rəhbəri Əkrəm İmamoğlu barəsində aparlan korrupsiya və terrorizmlə bağlı istintaqa etiraz edərək iğtişaşlara qoşulan şəxslərdən 172-i həbs edilib.

Adalet.az Türkiyə mediasına istinadən xəbər verir ki, saxlanılan şəxslərdən 29-u şərti azadlığa buraxılıb. Digər tərəfdən, 6 nəfərə ev həbsi tətbiq edilib, biri isə sərbəst buraxılıb.

Qeyd edək ki, Türkiyədə martın 19-dan 25-dək keçirilən etiraz aksiyalarında 1418 şəxs saxlanılıb.