Macarıstanın baş naziri Viktor Orban, Ukrayna münaqişəsinin həll olunması üçün sülhpərvər missiyasını davam etdirəcək. Lakin o fəaliyyət planının detallarını açıqlamaq istəmir, çünki buna mane ola biləcək qüvvələrdən ehtiyat edir.

 Orban, Kossiut radiostansiyasına müsahibəsində qeyd edib ki, bu adi təhlükəsizliklə bağlı deyil, sadəcə hazırda Ukrayna münaqişəsinin sülh yolu ilə həll olunmasını istəməyən çoxsaylı qüvvələr var.

 "Əgər əvvəlcədən növbəti addımın necə olacağı bilinsə, çoxları o addımın qarşısını kəsməyə çalışacaq ki, alınmasın"-deyə bildirən baş nazir, qeyd edib ki, o "əvvəlcə bu yolda hərəkət etməyi, sonra isə bu barədə danışmağı" qərara alıb.

 Macarıstanın baş naziri bəyan edib ki, Slovakiyanın baş naziri Robert Fisoya və ABŞ prezidentliyinə namizəd Donald Trampa qarşı törədilən sui-qəsdlərin də arxasında, "sülh partiyasının" tərəfdarlarına qarşı mübarizə aparan "müharibə partiyası" dayanıb.

 Orban sonda bildirib ki, ABŞ-da prezident seçkilərində Tramp qalib gələrsə, bu problemi tezliklə həll edər.

 Rüstəm Hacıyev