Ukrayna Rusiya ərazisində, o cümlədən Moskvadakı hədəfləri vurmağa hazırdır.

Adalet.az xəbər verir ki, bu sözləri Ali Radanın Milli təhlükəsizlik, müdafiə və kəşfiyyat komitəsinin üzvü Fyodor Venislavski “Bild”ə müsahibəsində deyib.

O, Ukraynanın bu cür zərbələrdən çəkinməsi tezisini “paralel dünyadan gələn ideya” adlandırıb:

“Rusiya Ukraynanın dinc şəhərlərinə öz ərazisindən və Belarusdan zərbə endirir. Rusiyanın raket buraxdığı yerlər qanuni hərbi hədəflərdirmi? Təbii ki! Ukraynaya qarşı müharibənin aparıldığı bütün hərbi obyektlər qanuni hərbi hədəflərdir”.

Venislavski qeyd edib ki, Moskvada istənilən komanda məntəqəsi qanuni hərbi hədəfdir və onlara hücumda heç bir problem yoxdur.