"Ölkənin müharibədən sonrakı inkişafı üçün 750 milyard dollar lazımdır".

Adalet.az xəbər verir ki, bunu İsveçrənin Luqano şəhərində keçirilən Ukrayna İnkişaf Konfransında çıxış edən baş nazir Denis Şmiqal deyib.

Şmiqal Rusiyanın Ukraynaya hücumlarının vurduğu maddi ziyana toxunub:

"Fevralın 24-də müharibə başlayandan bəri Ukraynada infrastruktura dəyən ziyanın 100 milyard dollara çatdığını bildirən Şmiqal Ukraynanın yenidən qurulması üçün 3 mərhələdən ibarət inkişaf planının həyata keçirilməli olduğunu qeyd edib.

Birinci mərhələdə insanların gündəlik həyatının normallaşdırılmasının vacibliyini qeyd edən Şmiqal ikinci mərhələdə müvəqqəti yaşayış, xəstəxana və məktəb tikintisinin nəzərdə tutulduğunu, üçüncü mərhələdə isə ölkənin inkişaf prosesinə start verildiyini bildirib. 

Sözügedən inkişaf planı üçün 750 milyard dollar lazım olduğunu vurğulayan Şmiqal, "Bu yeniləmə planını kim ödəyəcək?" ifadəsini işlədib.

Digər tərəfdən, konfransda çıxış edən Avropa İttifaqı Komissiyasının sədri Ursula fon der Leyen Aİ-nin Ukraynanın müharibədən sonrakı yaralarını sağaltmaq və ölkə iqtisadiyyatını yenidən qurmaq üçün xüsusi platforma yaradacağını açıqlayıb.

Von der Leyen, AB-nin müharibənin başlamasından bu yana Ukraynaya 6,4 milyard dollarlıq maliyyə dəstəyi göndərdiyi barədə məlumatı paylaşaraq, "Daha çox maliyyə dəstəyi gələcək. Orta və uzunmüddətli yenidənqurma prosesinə ciddi diqqət yetirəcəyik"- dedi

Ukrayna İnkişaf Konfransı sabah başa çatacaq. Konfransda Türkiyəni xarici işlər nazirinin müavini və Avropa İttifaqı üzrə direktor səfir Faruk Kaymakçı təmsil edir.