"Növbəti suallardan biri pensiya kapitalının vərəsələrə verilməsi ilə bağlı idi. Bu gün Azərbaycanda sığorta pensiya sistemi həmrəylik prinsipi əsasında fəaliyyət göstərir. İstənilən şəxsin ödədiyi sığorta haqqı 1,1 milyon əmək pensiyaçısının pensiyasının maliyyələşdirilməsinə yönəldilir".

Adalet.az xəbər verir ki, bunu Milli Məclisin bu gün keçirilən iclasında çıxışı zamanı əmək və əhalinin sosial müdafiəsi naziri Anar Əliyev deyib. 

"Dövlət Sosial Müdafiə Fondunun pensiya xərclərinin məbləği aylıq əsasda 600 milyon manata çatıb. Bizim və Dövlət Vergi Xidmətinin ay ərzində topladığımız sosial sığorta haqları elə həmin ayda pensiyaçıların pensiyalarını ödənilməsinə yönəlir", - deyə nazir bildirib.