23 Yanvar 2023 12:11
246
MƏMLƏKƏT

Xırdalan yolunda tıxaclar nə vaxt aradan qaldırılacaq?!

Hər gün səhər və axşam saatlarında Xırdalan şəhəri istiqamətində bir tıxac olur ki, gəl görəsən! Bizim Xırdalanda yaşayan insanlara yazığımız gəlir. Amma bu problemi həll etməli olan qurumların o camaata yazığı gəlmir. Çünki gün ərzində iki dəfə «propka»ya düşmək və orda 1-2 saat vaxt itirmək çox çətin bir məsələdi. Adamların əsəbi pozulur. Qubaya getmək asandır, burdan-bura yollar tıxac olanda Xırdalana getmək cəhənnəmə getmək kimi bir işdir.

Ona görə də yazıq xırdalanlılar fikirləşirlər ki, görəsən, onların hər gün yaşadığı bu «propka» nə vaxt aradan qaldırılacaq? Hətta Bakıda işləyən elə adam var ki, Xırdalanda evini satıb başqa yerdən mənzil alıb. Həmin adamları qınamalı deyil. O çıxış yolunu bunda tapıb və tıxaclardan canını qurtarıb. Bəs görəsən, yazıq xırdalanlıların tıxaclardan nə vaxt canı qurtaracaq? Bax, bu sualın cavabını qoy əlaqədar qurumlar versinlər.

Emil FAİQOĞLU