“Ukrayna prezidenti Donald Trampın "sülh planını" qəbul etmədi. Ukrayna prezidenti Volodimir Zelenski D.Trampın kapitulyasiya aktı olan "sülh planın" qəbul etmədiyini xalqa müraciətində qeyd etdi”. 

Adalet.az xəbər verir ki, bunu politoloq Məhəmməd Əsədullazadə deyib. 

O, bildirib ki, V.Zelenski 2019-cu il prezident seçkilərində ölkənin suverenliyini və təhlükəsizliyini qoruyacağına and içmişdi: 

“Əgər, D.Trampın şərtini qəbul edərsə, andını pozacaq. Ukraynanın ərazi bütövlüyü və suverenliyi pozulacaq. Qəbul etməsə, müharibə və soyuq qış. V.Zelenski çıxışında 2019-cu ildə verdiyi sözün üstündə duracağını vurğuladı. Böyük Britaniya, Fransa və Almaniya olmaqla Avropa V.Zelenskini dəstəkələyir. Ukrayna müharibəsi V.Zelenskinin müharibəsi deyilki, əraziləri Rusiyaya güzəştə getsin”. 

Ukraynanın ərazi bütövlüyü və suverenliyi pozulacaq – Politoloq