Yeni yerüstü piyada keçidi inşa olunur

Dövlət başçısının tapşırığına uyğun olaraq, vətəndaşların avtomobil yollarını rahat və təhlükəsiz şəkildə keçməsini təmin etmək məqsədilə daha bir yerüstü piyada keçidi inşa edilir.
Bu barədə Adalet.az-a Azərbaycan Avtomobil Yolları Dövlət Agentliyindən (AAYDA) məlumat verilib.
Bildirilib ki, yeni yerüstü piyada keçidi Pirşağı-Xırdalan-Novxanı-M4 avtomobil yolu layihəsi çərçivəsində sözügedən yolun 19,5-ci km-də tikilir.
İki giriş-çıxışdan ibarət olan keçid ümumi uzunluğu 59,8 metr, aşırım hissəsinin eni 4, pilləkənlərin eni 2 metrdir.
Yol səviyyəsindən hündürlüyü 5,5 metr olan keçid üstüaçıq dəmir-beton konstruksiyalıdır. Keçiddə 2 metr enində oval tipli piyada pandusları da quraşdırılacaq. Layihə çərçivəsində piyada keçidinin sol və sağ dayaqlarının təməlləri tam şəkildə tikilib, hazırda keçidin sağ dayaqlarının sütunlarının tikintisi işləri aparılır.
Yeni yerüstü piyada keçidi inşa edilən ərazidə piyadaların avtomobil yolunu rahat və təhlükəsiz şəraitdə keçməsini təmin edəcək.
Digər Xəbərlər

Leyla Əliyeva klassik avtomobillərin yürüşündə - FOTOLAR

Leyla Əliyeva və Arzu Əliyeva Milli Onkologiya Mərkəzində olublar

Bakı-Ağdam sərnişin qatarı təyinat məntəqəsinə çatdı - YENİLƏNİB

Şüvəlanda yeni ictimai çimərliklər yaradılıb

Yaşıllıqlara 13 min manatdan çox ziyan dəyib

2026-cı ildən pensiyalar nə qədər OLACAQ? – VİDEO

Azad olunan ərazilərdə tullantılarla bağlı idarəetmə təkmilləşdiriləcək
