Amerikalı milyarder İlon Mask 2025-ci ildə Ağ Evlə ictimai münaqişəsindən bəri ABŞ prezidenti Donald Tramp və birinci xanım Melaniya ilə ilk şam yeməyinə qatılıb.

Adalet.az xəbər verir ki, iş adamı görüşün fotosunu "Facebook"da paylaşıb. 

O, fotoya "2026-cı il möhtəşəm olacaq!" şərhini qeyd edib. 

Fotoda Maskın Tramp və həyat yoldaşı ilə eyni masada oturduğu görünür. Ehtimal olunur ki, şam yeməyi ABŞ prezidentinin ailəsinin Yeni il tətillərini keçirdiyi Mar-a-Lago malikanəsində baş tutub.

Xatırladaq ki, Mask və Tramp arasında mübahisə iş adamının dövlət vəzifəsindən getməsindən sonra başlayıb. Milyarder hətta Ağ Evin federal xərclərin azaldılmasına yönəlmiş qanun layihəsini "iyrənclik" adlandırıb.