Almaniya vətəndaşlarının təxminən 61%-i Qrenlandiya və digər mövzularla bağlı son hadisələr fonunda ABŞ Prezidenti Donald Trampı ölkələri üçün təhlükə kimi qəbul edir.

Adalet.az  BILD qəzetinə istinadən xəbər verir ki,  bu, INSA İnstitutunun keçirdiyi sorğuda öz əksini tapıb. 

"Qrenlandiya ilə bağlı münaqişə və Trampla bağlı bir çox digər mövzular Almaniyada da insanları narahat edir. BILD üçün INSA-nın keçirdiyi sorğuda almanların 61%-i Trampı Almaniya üçün daha çox təhlükə kimi qəbul etdiklərini bildirib. Yalnız dörddə biri Trampdan qorxmur: 24%-i hələ də onu müttəfiq hesab edir, 15%-i isə cavab verməkdən çəkinib".