Müasir dövrdə hava proqnozu necə dəqiq təxmin edilir?

Həmin hesablamaları aparmaq üçün təbii ki, superkompüterlərdən istifadə olunur (NOAA). Hava təxminləri üçün 1950-ci illərdən etibarən riyaziyyat modellərindən istifadə olunur. 

Son 10 ildə isə texnologiyaların da inkişafı ilə bu modellər daha çox genişlənib. Əslində, məntiqi sadədir. Bu günün hava şəraiti, sabahın hava şəraitinə təsir edir. Bir hissədəki hava şəraiti yaxınlıqdakı digər hissələrə də təsir edə bilir.  

Adalet.az-ın məlumatına görə, bunun üçün alimlər Dünya atmosferini minlərlə üç ölçülü şərti kublara ayırıb. Hər kubda baş verən istilik, təzyiq, nəm və digər amillər hesablanılır. Riyazi hesablama üçün istifadə edilən məlumatlar radarlardan, peyklərdən, yerdəki və sudakı cihazlardan alınır. 

Qeyd edək ki, hava proqnozu üçün fərqli riyazi modellər var. Həmin modellər eyni yer üçün fərqli nəticələr də verə bilir. Sistem mükəmməl deyil, amma elmin gücü ilə hər gün daha çox inkişaf edir. 

Emin