Dünyanın və regionumuzun hansı ciddi təhdidlərlə üz-üzə qaldığını hamımız izləyirik.

Adalet.az xəbər verir ki, bunu Türkiyə Prezidenti Rəcəb Tayyib Ərdoğan bildirib.

“Qlobal iqtisadiyyatın qiymətli metallar üzərindən aparılacaq və çox ağrılı olacağı anlaşılan yeni bir mübarizənin içinə sürətlə çəkildiyi görünür. Enerji mənbələrini ələ keçirmək, ticarət yollarına nəzarət etmək naminə yeni bir paylaşım rəqabətinin aqressiv şəkildə yaşanacağı aydın olur. Qərb dünyası illərdir başqa ölkələri hədələmək və cəzalandırmaq üçün istifadə etdiyi bütün arqumentlərini bir-bir itirir.

Masada olmayanın menyuya daxil edildiyi amansız bir bölüşdürmə savaşının tam ortasındayıq”, - Ərdoğan əlavə edib.