İranın xarici işlər naziri Abbas Əraqçi türkiyəli həmkarı Hakan Fidanla İstanbulda keçirdiyi mətbuat konfransında Tehran ABŞ ilə nüvə sazişi üzrə danışıqları bərpa etməyə hazır olduğunu bildirib.

Adalet.az xəbər verir ki, onun sözlərini “Tasnim” xəbər agentliyi sitat gətirib.

“Tehran, İranın qanuni maraqları və qanuni narahatlıqları tam nəzərə alınmaq şərti ilə, nüvə məsələsi üzrə danışıqlar masasına qayıtmağa hazırdır”.

Əraqçi vurğulayıb ki, nüvə silahlarının İranın müdafiə doktrinasında və təhlükəsizlik hesablamalarında yeri yoxdur və Tehran həmişə fəaliyyətinin dinc xarakter daşıdığını bəyan edib.