Amerika Kuboku: ABŞ millisi qrupda qaldı, Panama növbəti mərhələyə yüksəldi
![](https://adalet.az/uploads/img/posts/2024/07/02/3jpg-1719929042.jpg)
ABŞ-ın ev sahibliyi etdiyi Amerika Kubokunda (Copa Amerika) qrup mərhələsinin III turunun növbəti oyunları keçirilib.
Adalet.az xəbər verir ki, C qrupunda daha əvvəl 1/ 4 finala vəsiqəni təmin etmiş Uruqvay ABŞ-la qarşılaşıb. Görüş uruqvaylıların 1:0 hesablı qələbəsi ilə yekunlaşıb.
Digər matçda isə Panama seçməsi Boliviyanı məğlub edib – 3:1.
Bununla Uruqvaydan sonra Panama yığması da adını 1/4 finala yazdırıb.
Qeyd edək ki, daha əvvəl Argentina, Venesuela, Ekvador, Braziliya və Kolumbiya yığmaları növbəti mərhələyə vəsiqəni təmin edib. Amerika Kubokuna iyulun 14-də yekun vurulacaq.