Anna Akopyan ali təhsilini Çində davam etdirəcək.

Adalet.az xəbər verir ki, “Mənim addımım” Fondunun icraçı direktoru və Ermənistanın baş nazirinin həyat yoldaşı Anna Akopyan Pekin Normal Universitetində “Çin fəlsəfəsi” ixtisası üzrə iki illik magistratura proqramı üzrə təhsil almaq üçün sentyabrda Çinə gedəcək.
Bu barədə My Step Foundation saytı məlumat yayıb.

“Proqram ingilis dilində tədris olunur və Çin fəlsəfi məktəbləri, etika və siyasi nəzəriyyənin hərtərəfli öyrənilməsini əhatə edir”.

Xatırladaq ki, ötən ilin sentyabrında Şanxay Əməkdaşlıq Təşkilatının və Ümumçin Qadınlar Federasiyasının Qadınlar Forumunun açılış mərasimi olmuşdu və baş nazir Nikol Paşinyanın həyat yoldaşı Anna Akopyan da Çində keçirlən tədbirlərə qatılmışdı.

Anna Akopyanın Çinə səfəri Ermənistanda birmənalı qarşılanmamışdı. Bir sıra yerli KİV-lər Paşinyan ailəsini dövlət büdcəsi hesabına gərəksiz səfərlər etməkdə günahlandırmışdı.
Yəqin ki, bu xəbər də erməniləri yenidən "cin atı"na mindirəcək.

Əntiqə Rəşid