Mən sumka daşımaqla sənətə gəlməmişəm. İllərimi bu sənətə həsr etmişəm. Haqqım var danışmağa.

Bu sözləri Adalet.az-a açıqlamasında aparıcı Tarix Əliyev deyib. 

“Mən ümumiyyətlə, “filankəslə efirə gəlmirəm” deyənləri efirə dəvət etmirəm. O fikirdən sonra həmin müğənniylə sağollaşıram. Necə yəni filankəslə efirə gəlmirəm? Ay müğənni, sən kimsən ki, aparıcıya və ya verilişə şərt qoyursan?! Sən efirə çıxmaq istəmədiyin müğənnilərin səviyyəsinə çat, sonra danış! 
Bir müğənni var idi, dedi ki, Zenfira İbrahimova gəlirsə, mən gəlmirəm. Mən də Zenfiranı dəvət etdim, həmin oxuyanla sağollaşdım. Zenfira təhsilli müğənnidir, müsabiqələr keçmiş sənətkardır. Bəziləri kimi oxumağl hamamda öyrənməyib. Təkcə Zenfiraya görə demirəm, ümumiyyətlə, həmkarları ilə efirə gəlmək istəməyəni efirə dəvət etmək lazım deyil. Mən belə düşünürəm”.

Əntiqə