Xocalı Soyqırımı ilə əlaqədar Azərbaycan Dövlət İqtisad Universitetində tədbir keçirilmişdir. Bu görüşə yazıçı, millət vəkili Aqil Abbas da dəvət edilmişdir.

Görüşün iştirakçıları qarşısında çıxış edən A.Abbas özünün Qarabağla, Xocalı hadisələri ilə bağlı xatirələrini danışmış, əsərlərindən nümunələrə istinad edərək həmin illərin ağrı-acısını auditoriyaya çatdırmışdır.

Millət vəkili öz çıxışında  Xocalı sakinlərinin erməni əsirliyindən azad edilməsində, dəyişdirilməsində Milli Qəhrəmanlar Allahverdi Bağırov və telejurnalist Çingiz Mustafayevin xüsusi xidmətlərini faktlarla qeyd etmişdir. 

Görüş sual-cavab müstəvisində davam etdirilmiş və bu da iştirakçıların, müəllim və tələbələrin böyük marağına səbəb olmuşdur. Tədbirin sonunda millət vəkili, yazıçı Aqil Abbas görüşün təşkilatçılarına və iştirakçılarına təşəkkürünü bildirmişdir.