"Atletiko"nun futbolçusu Anxel Korrea İspaniya Futbol Federasiyasının İntizam Komitəsi tərəfindən 5 oyunluq cəzalandırılıb.

Adalet.az xəbər verir ki, La Liqanın 27-ci turunda "Xetafe" ilə oyunun 88-ci dəqiqəsində kobud oyuna görə qırmızı vərəqə alan argentinalı futbolçu meydanı tərk edəndə hakimi təhqir edib. Onun referinin anasını söydüyü bildirilir. Bu səbəbdən futbolçu cəzalandırılıb.

 Qeyd edək ki, Korrea bu mövsüm "Atletiko"da ümumilikdə 37 oyuna 7 qol vurub, 5 qol ötürməsi edib.