Moskva Avropanın Rusiya ilə müharibəyə hazırlaşdığını görür.

Adalet.az xəbər verir ki, bunu Rusiya prezidentinin mətbuat katibi Dmitri Peskov noyabrın 12-də Life jurnalisti Aleksandr Yunaşevin sualını cavablandırarkən bildirib.

"Həqiqətən də, Avropa ölkələrində çox güclü militarist tərəfdarı əhval-ruhiyyə var", - deyə Peskov bildirib.

Peskov, həmçinin, Serbiya prezidenti Aleksandr Vuçiçin Avropanın hərbi hazırlıqları ilə bağlı qiymətləndirməsini bölüşdüyünü təsdiqləyib.

Peskovun sözlərinə görə, Avropa ölkələri "özlərini hərbi büdcələrini daha da artırmağa məcbur edirlər" və Polşa da daxil olmaqla bəzi ölkələr artıq hərbi xərcləri ÜDM-in 5%-nə yaxınlaşıblar ki, bu da onların iqtisadiyyatına mənfi təsir göstərir.