Avtobus zolaqlarına daxil olan avtomobillərə qarşı bu tədbirlər görüləcək

Avtobus zolaqlarına qanunsuz daxil olan avtomobillər üçün texniki avadanlıqlar tətbiq ediləcək.
Adalet.az xəbər verir ki, bu barədə Daxili İşlər Nazirliyi (DİN) məlumat yayıb.
Bildirilib ki, paytaxtın avtobus zolaqlarına qanunsuz daxil olan avtomobillər ictimai nəqliyyatın fasiləsiz hərəkətində ləngimələr, süni tıxaclar, maneələr yaradır.
"Şəhər sakinlərini narahat edən bu halların qarşısının alınması istiqamətində DİN tərəfindən tədbirlər görülür. Xüsusilə, avtobuslarda zolağa qanunsuz daxil olan avtomobillərə qarşı qanuni tədbirlər görülməsi üçün texniki avadanlıqlar tətbiq olunacaq. Daxili İşlər, Rəqəmsal İnkişaf və Nəqliyyat nazirlikləri birgə avtobuslarda pilot qaydasında müşahidə və nömrətanıma sistemləri quraşdırır. Bununla yanaşı, DİN tərəfindən seçilmiş stasionar nöqtələr müvafiq avadanlıqlarla təchiz edilir. Yeni sistemin qurulmasında məqsəd şəhər sakinlərinin ictimai nəqliyyatda fasiləsiz hərəkətini təmin etməkdir", - məlumatda qeyd edilib.
Digər Xəbərlər

Prezident Füzuli Şəhəri Günü ilə bağlı PAYLAŞIM ETDİ - VİDEO

Zəfər Gününə həsr olunmuş hərbi parad keçiriləcək

Fiziki şəxslərin gəlir vergisi üzrə daxilolmalar optimallaşdırılır

Bakı İstintaq Təcridxanasına başçəkmə həyata keçirilib

Gələn ay Ağdama 900 ailənin qayıdışı gözlənilir - Emin Hüseynov

“Füzuli şəhərinə yüz mindən çox mina basdırılıb”

Qəzzaya qüvvələr göndərilməsinə Azərbaycan da namizəddir
