İranın Ərdəbil vilayətinin Aslandüz yaşayış məntəqəsi yaxınlığında Azərbaycan Ordusu Quru Qoşunlarının və İran İslam İnqilabı Keşikçiləri Kopusunun (SEPAH) Quru Qoşunlarının xüsusi təyinatlıları ilə "Araz - 2024" birgə taktiki təlimi keçirilir.

Bu barədə Adalet.az-a Azərbaycan Müdafiə Nazirliyindən bildirilib.

Qeyd olunub ki, təlimdən əvvəl hər iki ölkənin nümayəndə heyətlərinin yüksək səviyyəli üzvlərinin iştirak etdiyi komanda-qərargah iclasında təlimin mərhələləri və epizodlarının icra olunması üzrə ardıcıllıq müəyyənləşdirilib, təhlükəsizlik qaydaları çatdırılıb.

Daha sonra "Araz - 2024" birgə taktiki təliminin açılış mərasimi keçirilib. Mərasim başa çatdıqdan sonra hərbi qulluqçular təlimin keçiriləcəyi ərazi ilə tanış olublar.

*** 12:06

Azərbaycan və İran silahlı qüvvələrinin xüsusi təyinatlı bölmələri İranın Ərdəbil vilayətində 4 günlük hərbi təlimlərə başlayıb.

Adalet.az xəbər verir ki, bu barədə İranın rəsmi İRNA agentliyi məlumat yayıb. 

İslam İnqilabı Keşikçiləri Korpusunun (SEPAH) quru qoşunlarının bəyanatına görə, quru qoşunları və Azərbaycan silahlı qüvvələrinin xüsusi təyinatlı bölmələri Ərdəbil vilayətinin Aslanduz rayonunda 4 gün davam edəcək “Araz birgə hərbi təlimi”ndə iştirak edirlər.

Hərbi təlimlərin məqsədi iki ölkə arasında əlaqələrin möhkəmləndirilməsi, qanunsuz silahlı təşkilatlara qarşı birgə mübarizə, sərhəd təhlükəsizliyinin gücləndirilməsi və hərbi potensialın artırılmasıdır.