Azərbaycan və Pakistan arasında hərbi əməkdaşlıq müzakirə olunub

Müdafiə nazirinin birinci müavini – Azərbaycan Ordusunun Baş Qərargah rəisi general-polkovnik Kərim Vəliyev Azərbaycanda səfərdə olan Pakistanın Hərbi Dəniz Qüvvələri komandanı admiral Navid Əşrəf və onun rəhbərlik etdiyi nümayəndə heyətini qəbul edib.
Bu barədə Adalet.az-a Müdafiə Nazirliyindən məlumat verilib.
Bildirilib ki, görüşdən əvvəl qonaqlar Şəhidlər xiyabanında Azərbaycanın müstəqilliyi və ərazi bütövlüyü uğrunda şəhid olan vətəndaşların məzarlarını ziyarət edərək gül dəstələri düzüb, “Əbədi məşəl” abidəsinin önünə əklil qoyublar.
Sonra Azərbaycan Ordusunun Baş Qərargahında görüş keçirilib. General-polkovnik K.Vəliyev qonaqları salamlayaraq onları Azərbaycanda görməkdən məmnun olduğunu bildirib. Ölkələr arasında əlaqələrin qədim tarixi köklərə söykəndiyini qeyd edən Baş Qərargah rəisi hərbi əməkdaşlığın yüksək inkişaf mərhələsində olduğunu vurğulayıb.
Admiral N.Aşraf isə öz növbəsində səmimi qəbula və göstərilən qonaqpərvərliyə görə minnətdarlığını bildirib, qarşılıqlı görüşlərin ikitərəfli hərbi əməkdaşlığa müsbət töhfələr verəcəyindən əminliyini ifadə edib.
Görüşdə Azərbaycan və Pakistan hərbi dənizçilərinin peşəkarlığının daha da artırılması məqsədilə birgə təlimlərin keçirilməsinin əhəmiyyəti xüsusi qeyd olunub, həmçinin qarşılıqlı maraq doğuran bir sıra digər məsələlər ətrafında geniş və səmərəli fikir mübadiləsi aparılıb.
Digər Xəbərlər

İran həbs edilən Azərbaycan vətəndaşları barədə məlumat vermir - XİN rəsmisi

Sahibə Qafarova Türkmənistan Məclisinin sədri ilə görüşdü

Bakıdan İran XİN rəsmisinin sözlərinə SƏRT CAVAB

Prezident 10 il əvvəlki fərmanını "Qrant haqqında" yeni qanuna uyğunlaşdırıb

“Azərbaycan dili xalqımızın varlığını, yaddaşını və mənəvi irsini yaşadır” - Adəm İsmayıl Bakuvi

Hakan Fidan ilə Ceyhun Bayramov regional məsələlər müzakirə ediblər

İlham Əliyev Elçin Əfəndiyevin vəfatı ilə bağlı nekroloq imzaladı
