Azərbaycanda diplomsuz plastik cərrahlarla bağlı 18 fakt aşkar edilib.

Adalet.az xəbər verir ki, bu barədə Baş Prokurorluğun Mətbuat Xidmətinin rəhbəri Saleh Hacıyev  İTV-nin efirində saxta plastik cərrahlarla bağlı açıqlamasında deyib.

O qeyd edib ki, diplomsuz plastik cərrahlarla bağlı Prokurorluq araşdırmalara başlayıb:

"Bu sahədə 8 halda yol verilən qanun pozuntularını doğuran səbəb və şəraiti aradan qaldırılması məqsədi ilə təqdimatlar verilib, həmçinin, qanun pozuntularından çəkindirmək məqsədi ilə 9 halda vətəndaşlara və vəzifəli şəxslərə Baş Prokurorluq tərəfindən xəbərdarlıq elan edilib.

Hazırda bu istiqamətdə araşdırmalar davam etdirilir".