"İndi bağçalarla təminatın artırılması üçün özəl sektora bir sıra güzəştlər verilib. Çünki söhbət təkcə tərbiyədən getmir, həm də sosiallaşmanın və ilkin dünyagörüşünün formalaşdığı müəssəsisələrin sayı 2 milyon 730 min olan uşaqlarımızın yalnız 40 faizini əhatə edir".

Adalet.az xəbər verir ki, bunu Milli Məclisin İnsan hüquqları komitəsinin bu gün keçirilən iclasında yeni hazırlanan “Uşaq hüquqları haqqında” qanun layihəsinin müzakirəsi zamanı komitə sədri Zahid Oruc deyib.

"Bağçalarda keyfiyyət standartları, pedaqoji heyətin hazırlığı, valideynlə əməkdaşlıq hər zaman diqqət mərkəzində saxlanılmalıdır. Lakin peşə təhsili müəssisələrində dövlət sifarişi əsasında ayrılan yerlərin sayı ildən-ilə artır. Bu pillə əmək bazarı üçün xüsusi əhəmiyyət daşıyır", - deyə komitə sədri bildirib.