İran Prezidenti Məsud Pezeşkian çadır bunkerində iclas keçirib. 

Adalet.az xəbər verir ki, İran dövlət mediası Məsud Pezeşkianın sədrliyi ilə keçirilən ilk Nazirlər Kabineti iclasının görüntülərini yayımlayıb.

Görüntülərə əsasən, görüş yeraltı bunkerdə, ədyallarla örtülmüş şəkildə baş tutub. Pezeşkian iranlıları Novruz bayramı münasibətilə təbrik edib. Bu görüşdə Pezeşkian şəhərlərdə gecə mitinqlərində rejim tərəfdarlarının iştirakını "dəyərli kapital" adlandırıb və deyib:

"Bu gün İran dünyanın zirvəsində bir cəvahir kimi parlayır və dünyanın hər yerində azadlıqsevər insanlara ilham verir. Müharibəyə son qoymaq üçün hər hansı bir qərar yalnız bütün şərtlər yerinə yetirildikdən sonra və böyük İran xalqının ləyaqətini, təhlükəsizliyini və maraqlarını təmin etmək çərçivəsində veriləcək".