2013-cü il mayın 1-də Tehran şəhərində 26-cı Beynəlxalq Kitab Sərgisi açıldı. Mayın 10-dək davam edəcək tədbirdə 1600 mətbəə tərəfindən 2010-2013-cü illər arasında çap olunmuş 220 min kitab nümayiş etdirilirdi. Sərgidə Azərbaycan Respublikası ilə yanaşı, Türkiyə və bir sıra başqa ölkələr də iştirak edirdi. Ancaq sərgidə Güney Azərbaycandan türkcə kitab çap edən mətbəələrin iştirakına icazə verilmədi. Belə ki, “Ənidişe-ye No”, “Təkderəxt”, “Əxtər”, “Neda-ye Şəms”, “Haşemi”, “Yaz” və s. nəşriyyatlara tədbirdə öz kitablarını nümayiş etdirməyə və satmağa rejim tərəfindən icazə verilmədi.

Aradan 10 keçəndən sonra- 2023-cü ildə Tehranda keçirilən 34-cü kitab sərgisində eyni hadisə təkrarlanıb. Azərbaycan dilində olan kitabların nümayişinə məhdudiyyət qoyulub.
Güneyli naşirlər Azərbaycan dilində kitabların sərgidə iştirakı ilə bağlı əlaqədar qurum və şəxslərə müraciət etsələr də, məhdudiyyət aradan qaldırılmadı.

Adalet.az xəbər verir ki, Tehran kitab sərgisində qədim türk ədəbıyyatına aid kitabın satışına qadağa qoyulub.
Bu haqda Azərbaycan türkcəsində kitabların naşiri, şair Səid Muğanlı açıqlama verib.
Onun sözlərinə görə, Tehran kitab sərgisində Dədə Qorqud kitabının satışı qadağan edilib.
Səid Muğanlı bildirib ki, sərgidə türk ədəbiyyatına aid kitablara qadağa qoyulması xəbəri yayıldıqdan sonra həmin kitabların onlayn satışı möcüzəli şəkildə artıb.
Xatırladırıq ki, bir neçə gün əvvəl Ərdəbildə Azərbaycan dilində kitabların nəşri ilə məşğul olan "Yaylıq" nəşriyyatının da fəaliyyətinə qadağa qoyulub.
İrqçi fars-molla rejimi qısqanclıq krizinə girdikcə Güney Azəbaycanda oyanışa doğru irəliləmə olacaq.

 Əntiqə Rəşid