Azərbaycanlı reper Nəvai (Nəvai Bəkirov) Qazaxıstan sərhədində saxlanılıb.

Adalet.az xəbər verir ki, reperin üzərində narkotik maddə aşkarlanıb.

Nəvai sərhədi keçdikdən sonra saxlanılıb; o, Qırğızıstandan gəlirmiş. Jambıl Vilayət Polis İdarəsinin sosial media hesabından verdiyi məlumata görə, musiqiçinin maşınında 2,5 qram narkotik maddə tapılıb.

Qanunsuz narkotik maddələr müsadirə edilib. Şübhəli narkotik qaçaqmalçılığı ilə bağlı araşdırma başlanıb. Bu hadisələr fonunda bu gün saat 20:00-da Astanadakı Jaksılık Uşkempirov adına Döyüş Sənəti Sarayında keçirilməsi planlaşdırılan konsert ləğv edilib.