AzMİU ilə Yaponiya universitetlərinin əməkdaşlıq məsələləri müzakirə olunub - FOTO

Yaponiyanın ölkəmizdəki səfirliyinin təşkilatçılığı ilə Yaponiya Tələbə Təşkilatlarının xarici əlaqələr üzrə direktoru Şimboku Kenji, Okaydo Universitetinin müəllimi Yukako Tokuda, Tsukuba Universitetinin müəllimi Yuki Yamamota və səfirliyin müşaviri Ryosuke Kakiuçi Azərbycan Memarlıq və İnşaat Universitetində (AzMİU) olublar.
Adalet.az xəbər verir ki, qonaqlarla görüşdə AzMİU-nun beynəlxalq əlaqələr üzrə prorektoru, professor Nərgiz Abdullayeva, Xarici əlaqələr şöbəsinin müdiri, dosent Fərhad Əliyev, şöbənin əməkdaşları Könül Şirinova və Natiq Məhəməliyev iştirak ediblər.
Prorektor Nərgiz Abdullayeva qonaqları salamlayıb və AzMİU haqqında, universitetin tələbə kontingenti, fakültələri, ixtisasları, elmi naliyyətləri və beynəlxalq əlaqələri ilə bağlı ətraflı məlumat verib.
Görüşdə Yaponiya universitetləri ilə AzMİU arasında əməkdaşlıq məsələləri, tələbə mübadilə mexanizmləri, Yaponiyada tədris dilləri, təqaüd proqramları ilə bağlı geniş müzakirələr aparılıb.
Qərara alınıb ki, Yaponiya universitetləri ilə AzMİU arasında əməkdaşlığın qurulması və dərinləşdirilməsi üçün qarşılıqlı təmaslar davam etdirilsin.
Digər Xəbərlər

Magistraturaya qəbul imtahanlarının nəticələri ilə bağlı VACİB XƏBƏR

Azərbaycan Universiteti magistratura səviyyəsi üzrə ikili diplom proqramı təklif edir

TƏHSİLİMİZDƏ OLAN PROBLEMLƏR və ALTERNATİV METODOLOGİYA
