"Barselona" səfərdə "Sevilya"nı məğlub etdi - VİDEO
İspaniya La Liqasında XXIII turun daha 4 oyunu keçirilib.
Adalet.az xəbər verir ki, turun mərkəzi görüşündə “Barselona” səfərdə “Sevilya”nın qonağı olub. Qarşılaşma Kataloniya təmsilçisinin inamlı qələbəsi ilə başa çatıb - 4:1.
Matçda hesab erkən qolla açılıb. Qonaqların hücumçusu Robert Levandovski 7-ci dəqiqədə rəqib qapısına yol tapıb. Amma “Barselona” futbolçularının qol sevinci cəmi 1 dəqiqə çəkib. Buraxılan qoldan dərhal sonra “Sevilya”nın yeni transferi Ruben Varqas tarazlığı bərpa edib. İlk hissə bu hesabla bitib.
Kataloniyalılar ikinci yarıya da qolla başlayıblar. Fermin Lopes 46-cı dəqiqədə komandasını yenidən hesabda önə çıxarıb. Doqquz dəqiqə sonra Rafinya 3-cü qolu meydan sahiblərinin qapısından keçirib. 63-cü dəqiqədə Lopes birbaşa qırmızı vərəqə alaraq meydandan qovulub. Oyunda son nöqtəni isə Erik Qarsiya qoyub. 89-ci dəqiqədə fərqlənən futbolçu qonaqların böyükhesablı qələbəsini rəsmiləşdirib.
Bu qələbədən sonra xallarını 48-ə çatdıran və 3-cü pillədə qərarlaşan “Barselona” ilə lider “Real Madrid”lə xal fərqini 2-yə endirib. Turnir cədvəlinin 2-ci pilləsində 49 xalı olan “Atletiko” yer alıb. “Sevilya” isə 28 xalla 13-cüdür.
Digər Xəbərlər
18 Noyabr 2026 16:21
Arda Güler 2032-ci ilədək "Real"da
18 Noyabr 2026 10:30
Portuqaliya yığmasında daha bir gərginlik: O da millinin düşərgəsini tərk etdi
18 Noyabr 2026 09:08
Millətlər Liqası: Danimarka Norveçə, Uels isə Portuqaliyaya uduzdu
17 Noyabr 2026 16:52
Azərbaycan millisi seçmə mərhələni bir xalla başa vurdu
17 Noyabr 2026 09:24
UEFA Millətlər Liqası: Qrup mərhələsinə bu gün yekun vurulur
17 Noyabr 2026 09:09
“İndi Ronaldonun anasına da cavab verməliyəm?” - Jezusdan ironiyalı reaksiya
17 Noyabr 2026 00:18
Azərbaycan millisi Andorraya qalib gəldi
16 Noyabr 2026 19:27


Bakı -°C

