Baş nazir Əli Əsədov Soçidə Rusiya Hökumətinin sədri Mixail Mişustinlə görüşdü

Azərbaycan Respublikasının Baş naziri Əli Əsədov iyunun 8-də Soçiyə işgüzar səfəri çərçivəsində Rusiya Federasiyası Hökumətinin sədri Mixail Mişustinlə görüşüb.
Bu barədə Nazirlər Kabinetinin Mətbuat xidməti məlumat yayıb.
Görüşdə iki ölkənin qarşılıqlı münasibətlərinin Azərbaycan və Rusiya prezidentlərinin səyləri ilə strateji tərəfdaşlıq səviyyəsinə yüksəlməsi məmnunluqla vurğulanıb.
Qarşılıqlı ticarətin və sərmayələrin davamlı artması ikitərəfli münasibətlərin dinamik inkişafının əyani sübutu kimi qiymətləndirilib.
Azərbaycan Respublikası ilə Rusiya Federasiyası arasında iqtisadi əməkdaşlıq üzrə Hökumətlərarası Komissiyanın cari ayın sonunda Moskvada keçirilməsi planlaşdırılan növbəti iclasının əhəmiyyəti qeyd edilib.
Kənd təsərrüfatı sahəsində əməkdaşlığın yaxşı nəticələri vurğulanıb.
Nəqliyyat və logistika sektoru əməkdaşlığın mühüm istiqaməti kimi səciyyələndirilib.
Bununla əlaqədar Şimal-Cənub beynəlxalq nəqliyyat dəhlizinin tam gücü ilə fəaliyyətinin təmin edilməsi üçün birgə səylərin davam etdirilməsinə qarşılıqlı hazırlıq ifadə olunub.
Tərəflər sənaye sahəsində uğurlu əməkdaşlığın zəngin təcrübəsini qeyd ediblər, birgə istehsal istiqamətində işbirliyini müsbət qiymətləndiriblər.
Hökumət başçıları Azərbaycan-Rusiya ticarət-iqtisadi əməkdaşlığının aktual məsələlərini və müxtəlif sahələrdə birgə layihələrin reallaşdırılmasını də nəzərdən keçiriblər.
Digər Xəbərlər

"Zəngəzur dəhlizi həlledici rol oynayacaq" - Ceyhun Bayramov

Ceyhun Bayramov XİN başçılarını antiterror tədbirləri barədə məlumatlandırıb - YENİLƏNİB

Erməni separatizmindən milyonlar qazananlar şokdadır

Ceyhun Bayramov Hakan Fidana Qarabağ xalçası hədiyyə etdi

İcmadan Aİ-nin anti-Azərbaycan açıqlamalarına MÜNASİBƏT

“Azərbaycan Qarabağın erməni əhalisinə dəstək verəcək”

Aqiyə Naxçıvanlı: “Azərbaycanın hər bir qələbəsi ədalətin təntənəsidir”
