21 Iyun 2024 18:33
497
DÜNYA

Belarus Ermənistana nota verdi

Belarus Xarici İşlər Nazirliyi Ermənistanın Belarusdakı müvəqqəti işlər vəkili Narek Tiraturyana nota verib. 

Adalet.az-ın xarici KİV-ə istinadən məlumatına görə, MDB ölkələri ilə ikitərəfli əməkdaşlıq şöbəsinin müdiri Sergey Molunov erməni səfirlə Xarici İşlər Nazirliyində görüşüb.

Xatırladaq ki, bir gün əvvəl Ermənistanın xarici işlər naziri Ararat Mirzoyan Vilnüsdə Belarus müxalifətinin lideri Svetlana Tixanovskaya ilə görüşüb. Görüş zamanı Tixanovskaya “Lukaşenko rejiminə qarşı qətiyyətli mövqeyinə görə Ermənistana təşəkkür edib və Ermənistanla demokratik qüvvələr arasında sıx əməkdaşlığın davam etdiriləcəyinə ümid etdiyini bildirib”.

Bundan əvvəl İrəvan Belarusdakı səfirini çağırıb. Ermənistanın baş naziri Nikol Paşinyan isə prezident Aleksandr Lukaşenkonun Azərbaycandakı bəyanatlarına görə rəsmi şəxslərin Minskə səfərini qadağan edib.