Belarus Silahlı Qüvvələrinin nümayəndə heyəti Azərbaycana səfər edib
Azərbaycan və Belarus respublikaları müdafiə nazirlikləri arasında 2026-cı il üçün ikitərəfli hərbi əməkdaşlıq planına uyğun olaraq, bu ölkənin Silahlı Qüvvələrinin rabitə rəisi – Silahlı Qüvvələrin Baş Qərargahının Rabitə İdarəsinin rəisi polkovnik Pavel Prasolun rəhbərlik etdiyi nümayəndə heyəti Bakı şəhərinə səfər edib.
Müdafiə Nazirliyindən Adalet.az-a verilən məlumata görə, Beynəlxalq Hərbi Əməkdaşlıq İdarəsində qonaqlarla “Rabitənin təşkili və rabitə bölmələrinin tətbiqi üzrə işçi görüşü” keçirilib. Tədbirdə həmçinin rabitə bölmələrinin və vasitələrinin tətbiqi, eləcə də digər mövzulara dair qarşılıqlı fikir mübadiləsi aparılıb.
Sonra nümayəndə heyəti N saylı hərbi hissədə olub. Burada qonaqlara Azərbaycan Ordusunda rabitə işinin təşkili haqqında ətraflı məlumat verilib, müasir tələblərə cavab verən müxtəlif rabitə vasitələri və texnikalar təqdim olunub.
Səfər çərçivəsində qonaqlar Heydər Əliyev Mərkəzini və Hərb Tarixi Muzeyini ziyarət edib, ölkəmizin hərb tarixi, eləcə də Vətən uğrunda şəhid olanların qəhrəmanlıq yolu ilə tanış olublar.
Sonda qarşılıqlı hədiyyələr təqdim olunub və xatirə şəkilləri çəkdirilib.
Qeyd edilib ki, səfər iki ölkə arasında qoşunlarda rabitə işinin təşkili sahəsi üzrə qabaqcıl təcrübənin öyrənilməsi və kadr hazırlığı istiqamətində əlaqələrin inkişafı baxımından mühüm əhəmiyyət daşıyır.
Digər Xəbərlər
21 Noyabr 2026 11:50
"Azərbaycandakı vəziyyəti hər zaman yaxından izləmişik" - Vyetnam Prezidenti
21 Noyabr 2026 11:50
"Azərbaycan-Vyetnam münasibətləri strateji əhəmiyyət daşıyır" - İlham Əliyev
21 Noyabr 2026 11:31
İlham Əliyevin Vyetnam Prezidenti ilə geniş tərkibdə görüşü oldu - FOTOLAR + YENİLƏNİB
21 Noyabr 2026 10:10
“İran Parlamentində Pakistanın siyasətini tənqid edənlərin sayı artıb”
21 Noyabr 2026 10:04
Üç supergücün hesabında Bakı var - Əliyevin Vyetnam səfərinin böyük sirri
21 Noyabr 2026 10:00
Nikol Paşinyan Konustitusiyanı dəyişəcək - Politoloq
21 Noyabr 2026 09:36
Prezident gürcüstanlı həmkarına başsağlığı verdi
21 Noyabr 2026 09:10


Bakı -°C

