"Böyük şəhər bələdiyyəsinin qurulması kimi məsələlərə xüsusi yanaşmanın zamanı gəlib çatıb. Bu yerliözünüidarəetmə sistemindəki fəaliyyətimizə müsbət təsir göstərər".

Adalet.az xəbər verir ki, bunu Milli Məclisin bu gün keçirilən plenar iclasında Bələdiyyələrin fəaliyyətinə inzibati nəzarəti həyata keçirən orqanın 2025-ci ildə fəaliyyəti haqqında məruzəsinin müzakirəsi zamanı deputat Elman Nəsirov deyib.

"Əvvəllər bələdiyyə vergisi yığmı mümkünsüz hala çevrilmişdi. Söyləyirdilər ki, bunu necə etmək olar? İnsan bələdiyyələrin inkişafında maraqlıdırsa, bu qurumun fəaliyyətindən narazılıq edirsə, üzərinə düşən missiya bələdiyyənin vergisini ödəməkdir. Bunun qarşılığında tələblərini qoya bilirsən, bu prosesdə şəffaflığı tələb edirsən", - deyə deputat bildirib.

E.Nəsirov qeyd edib ki, bəzi bələdiyyə sədrləri iclasları formal keçirir.