BMT-nin Ermənistandakı rezident əlaqələndiricisi Lila Peters Yahiayi Zəngəzur ərazisinə gəlib.

Adalet.az Armenpress-ə istinadən xəbər verir ki, Lila Peters Yahiyanın sədrliyi ilə BMT-nin Ermənistan nümayəndəliyi qrupu Ermənistanın Qeqarkunik vilayətinə səfəri zamanı Azərbaycanın hücumu nəticəsində zərər çəkmiş yaşayış məntəqələrinə baş çəkib.

Nəşr bildirir ki, Lila Peters Yahiya səfərinin məqsədini açıqlayarkən bildirib ki, BMT-dəki həmkarlarımla birlikdə Qavarda, Şatvanda, Norabakda, Kutda, Sotkda olduq:" Ermənilərdəki dözümlülüyə heyran qaldım.Əhalinin vəziyyəti ilə bağlı bir sıra suallara cavab tapmağa çalışdıq".

 Qeyd edək ki, bu ilin martında  BMT-nin Azərbaycan nümayəndəsinin Şuşa səfəri, orada dövlət bayrağımızla BMT bayrağının yanaşı dalğalanması ermənilərə əməllicə od vurmuşdu. Hətta BMT-nin İrəvan koordinatoru Lila Peters Ermənistan XİN-ə çağırıldı və ona rəsmi “etiraz” bildirilib. Ermənilərin düşüncəsinə görə  təşkilatın Bakı təmsilçisi Azərbaycanın dilbər guşəsi Şuşaya yox, ermənilər hazırda yaşadığı bir şəhərə səfər edib.

 Əntiqə Rəşid