“Xarici təsirdə olan qruplaşmaların öz himayədarları var. Bu zümrəni ifşa etdikcə, dövlət üçün hansı təhlükələri yaratmaq istədiklərini üzə çıxardıqca görünməyən təsirlər onları müdafiə edir. Əks tərəfə də problemlər, məhrumiyyətlər yaradırlar”. 

Adalet.az xəbər verir ki, bunu ilahiyyatçı Tural İrfan deyib.

“Məzhəbin, tarixi şəxsiyyətlərin, mənəvi dəyərlərimizə dəxli olmayan xurafatların müdafiəsi adı altında təxribatın, ədavətin, ayrıseçkiliyin təməlini qoyurlar. Artıq bu dairələr yalnız dini və dindar görüntülü deyil. Bu həlqəni qırıblar. Fərqli peşə, ixtisas ünvanı ilə özünü təqdim edən fərdlərdən ibarət təsir rıçaqları hazırlayıblar. Artıq yavaş-yavaş ortaya təxribatçı mövzular atıb xüsusən sosial şəbəkələrdə çalxantı yaratmaqla tərəf müəyyən edirlər. Bu mövzuda ciddi narahatedici məqamlar var, görüləsi tədbirlər ləngiməməlidir”, - deyə o, bildirib.

Vasif ƏLİHÜSEYN