Avropa Komissiyasının sədri Ursula von der Leyen son günlər daşqınlardan zərər çəkən Mərkəzi və Şərqi Avropa ölkələri üçün Birlik Fondundan 10 milyard avroya çıxış əldə etdiyini açıqlayıb.

Adalet.az xarici KİV-ə istinadən xəbər verir ki, o, bu barədə Polşanın Vrotslav şəhərində Avstriya, Polşa, Slovakiya və Çexiyanın baş nazirləri ilə birgə mətbuat konfransında bildirib.

Von der Leyen əmin edib ki, Avropa Polşanı və daşqınlardan zərər çəkmiş digər ölkələri dəstəkləyir və təbii fəlakətin nəticələrinin mümkün qədər tez aradan qaldırılması üçün maliyyə yardımı göstərəcəyini vəd edib.