Deputatlar tətildən qayıdır - Komitə iclasları başlayır

Sabahdan Milli Məclisin deputatları tətildən qayıdır və komitə iclaslarının keçirilməsinə başlanılır.
Adalet.az xəbər verir ki, yaz sessiyası üzrə ilk komitə iclası yanvarın 16-na təyin edilib.
Parlamentin Mədəniyyət komitəsinin yanvarın 16-da keçiriləcək iclasının gündəliyi aşağıdakı kimi müəyyənləşib:
1. Mədəniyyət komitəsində 2024-cü ilin payız sessiyası dövründə görülən işlər barədə hesabat.
2. Mədəniyyət komitəsinin 2025-ci ilin yaz sessiyası üçün nəzərdə tutulmuş iş planının layihəsi.
3. “Kitabxana işi haqqında” və “Muzeylər haqqında” Azərbaycan Respublikasının qanunlarında dəyişiklik edilməsi barədə Azərbaycan Respublikası qanununun layihəsi (üçüncü oxunuş).
Qeyd edək ki, Azərbaycan Konstitusiyasının 88-ci maddəsinin I hissəsinin birinci abzasına uyğun olaraq Milli Məclis hər il iki növbəti yaz və payız sessiyalarına yığılır. Yaz sessiyası fevralın 1-də başlanır və mayın 31-dək davam edir.
Əgər fevralın 1-i istirahət, səsvermə, iş günü hesab edilməyən bayram gününə düşərsə, sessiya bu gündən sonra gələn birinci iş günü öz işinə başlayır. Bu da o deməkdir ki, qanunverici orqanın yaz sessiyasında ilk plenar iclası fevralın 3-nə təsadüf edəcək.
Digər Xəbərlər

Netanyahu Hikmət Hacıyevi qəbul etdi

Fahrettin Altun: Bu, rabitə və media sahəsində əməkdaşlığımız üçün hərtərəfli yol xəritəsidir

“Azərbaycan məhəlləsi” dostluğumuzun əbədi nişanəsidir - Birol Akgün

Birol Akgün: Azərbaycan və Türkiyə kimi sıx əlaqədə olan başqa dövlət yoxdur

Sahibə Qafarova: Dünyada sülhə nail olmağın yeganə yolu çoxtərəfli əməkdaşlıqlardır

Belarus Milli Assambleyası Respublika Şurasının sədri Heydər Əliyev Mərkəzində olub - FOTOLAR

Əli Əsədov İran Prezidenti ilə görüşüb
