Tanınmış türkiyəli fenomen Dilan Polat “Prezidentə təhqir” ittihamı üzrə saxlanılıb.

Adalet.az Türkiyə mətbuatına istinadən xəbər verir ki, onun barəsində sosial mediada paylaşılan bir görüntüyə görə Anadolu Baş Prokurorluğu tərəfindən istintaq başladılıb.

Dilan Polat ifadə vermək üçün prokurorluğa gətirilib. Lakin ifadə verərkən halı pisləşib, tibbi briqada çağırılıb.

Prokurorluqdakı ifadə prosedurunu tamamladıqdan sonra D.Polat məhkəməyə göndərilib.

Xatırladaq ki, Dilan Polat və iş adamı olan əri Engin Polat 2023-cü ilin dekabrında çirkli pulların yuyulmasında ittiham edilərək saxlanılmış, bir neçə ay həbsdə qaldıqdan sonra sərbəst buraxılmışdılar.