Əhali qazancının yarıdan çoxunu ərzağa xərcləyib

2024-cü ilin yanvar-may aylarında pərakəndə ticarət şəbəkəsində istehlakçılara 21,5 milyard manatlıq, o cümlədən 12,1 milyard manatlıq ərzaq məhsulları, içkilər və tütün məmulatları, 9,4 milyard manatlıq qeyri-ərzaq malları satılıb.
Dövlət Statistika Komitəsindən (DSK) Adalet.az-a verilən məlumata görə, 2023-cü ilin yanvar-may ayları ilə müqayisədə pərakəndə ticarət dövriyyəsi real ifadədə 3,3 faiz, o cümlədən ərzaq məhsulları, içkilər və tütün məmulatları üzrə 1,8 faiz, qeyri-ərzaq malları üzrə 5,2 faiz artıb.
Hesabat dövründə qeyri-dövlət sektorunun təsərrüfat subyektləri tərəfindən satılmış malların dəyəri əvvəlki ilin eyni dövrü ilə müqayisədə real ifadədə 3,3 faiz artaraq ümumi pərakəndə ticarət dövriyyəsinin 99,7 faizini təşkil edib.
2023-cü ilin yanvar-may ayları ilə müqayisədə 2024-cü ilin yanvar-may aylarında pərakəndə ticarət dövriyyəsi real ifadədə müəssisələr üzrə 10,3 faiz, fərdi sahibkarlar üzrə 0,2 faiz, bazar və yarmarkalarda 1,2 faiz artıb. Hesabat dövründə pərakəndə ticarət şəbəkəsində əhalinin bir nəfəri orta hesabla ayda 421,3 manatlıq, o cümlədən 237,1 manatlıq ərzaq məhsulları, içkilər və tütün məmulatları, 184,2 manatlıq qeyri-ərzaq malları alıb.
Digər Xəbərlər

Balığın qiymətinin bahalaşmasının səbəbi budur - İqtisadçı

Texniki şərtlərin qeydiyyatı üçün 62 müraciət daxil olub

Baş nazir 2026-cı ilin büdcəsi ilə bağlı tapşırıq verdi

Əli Əsədov nazirləri topladı - Qarabağ və Şərqi Zəngəzurla bağlı müzakirə aparıldı

Neft həftəni bu qiymətlə yekunlaşdırdı

"Azərbaycanda ət qiymətləri yüksəkdir" - Deputat

"Aqrar sektorla bağlı ixtisaslı kadr çatışmazlığı var" - Komitə sədri
