Əməkdar artist: “Əlimdən alınmış mülkim geri qaytarılsa...”
![](https://adalet.az/uploads/img/posts/2023/06/08/46jpg-1686223305.jpg)
“Onurğa sütunumdan ağır əməliyyat keçirdikdən sonra yaxşı deyiləm. Yataq xəstəsi olmuşam, evdən bayıra çıxa bilmirəm. Prezident mükafatını da üç il aldım və onu da kəsdilər. Buna görə Babar xanım Muradovaya müraciət etdim. Bahar xanım dedi ki, bizim təşkilata və Mədəniyyət Nazirliyinə məktub göndərin. Mən də məktubda problemlərimi yazıb göndərmişəm”
Bunu Adalet.az-a açıqlamasında Əməkdar artist Ədilə Əflaki deyib. Müğənni illərdir mənzillə də təmin edilmədiyini bildirib:
“Əlimdən alınmış mülkim geri qaytarılsa, özüm dolanardım. Məktubda hər şeyi ətraflı mədəniyyət nazirinə yazmışam. Azərbaycanda mənfi imic formalaşdıran məmurlar bu özbaşınalığı ediblər. Yeni mədəniyyət nazirimiz Adil Kərimliyə çox emid edirəm. Çünki hamı onu tərifləyir. Ömrümüzün axırıdır, heç olmasa mənə kömək eləsinlər. Oğlum da ikinci qrup əlildir. Rəhmətlik Ramiz Əzizbəyli demişkən bəlkə ölməyimi gözləyirlər”.
Vasif Əlihüseyn