"Türkiyə və Azərbaycan üçün “Meğri dəhlizi” və ya “Zəngəzur dəhlizi” bu günün və gələcək illərin əsas strateji hədəfidir".

Adalet.az xəıbər verir ki, bu fikirləri revanşist türkoloq Varuzan Geqamyan səsləndirib:" Onlar bu hədəflərinə və buna nail olarsa, Türkiyə-Azərbaycan cütlüyü 3 böyük problemi həll edəcək:

“1. Nəhayət, Türkiyə ilə Azərbaycan arasında tam ortaq quru sərhədi formalaşar və Türkiyə Cənubi Qafqazda əsas gücə çevrilər.

2. Türkiyəni türk dünyası ilə birləşdirir, ikincini də (Azərbaycanı nəzərdə tutur- red- Ə.R) regional super gücə çevirir ("neopantürkizm" adlanır).

3. Ermənistanın cənubunu kəsir və faktiki olaraq Ermənistan dövlətinin ərazisini anklava çevirir, bizi Türkiyədən tamamilə asılı vəziyyətə salır .

“Dəhliz” layihəsinin müəllifi, tərtibçisi və icraçısı, həmçinin əsas benefisiar Türkiyədir. Ən azı son 120 ildə ermənilərin müxtəlif nəsilləri bunu dərk edərək bu proqramın həyata keçirilməsinə qarşı mübarizə aparıblar.

İndi növbə bizdədir.Bu vəziyyətdə Türkiyə və Azərbaycana hər hansı formada yol vermək Zəngəzur üçün, sonra isə bütün Ermənistan üçün həlledici sondur. Məhz bu məqsədlə yaxın günlərdə biz bu “dəhlizin” nədən ibarət olduğunu, onun əsl tarixinin nədən ibarət olduğunu və bugünkü əhəmiyyətini çox ətraflı təhlil edəcəyik.

Bundan əlavə, siz bütün bunları nəinki oxuya, həm də izləyə və dinləyə biləcəksiniz”, - deyə türkoloq Varuzan Geqamyan bildirib.

Qeyd edək ki, Erməni politoloq David Ananyan sonuncu Facebook paylaşımında SOS siqnalı çalıb. Ananyan sosial platformasında yazıb ki, artıq Zəngəzurun təhvil verilməsi prosesi başlayıb:"Çox güman ki, Nikol Paşinyanın bugünkü mətbuat konfransında irimiqyaslı və bəlkə də əvvəlcədən müəyyən edilmiş nələrinsə hazırlandığına dair bir növ işarə və ya elan olacaq. Bu gün həlledici tətiyə çəkilməsə və milli silaha atəş açılmasa, sabahımız necə olacaq, düşünün””.

 Əntiqə Rəşid