Xəbər vermişdik ki, president seçkilərində qələbə qazanmış Donald Tramp hələ 2024-cü ilin dekabrında Keşyap Pateli Federal Təhqiqat Bürosunun direktoru vəzifəsinə təklif etmişdi: “Qürurla Keşyap “Keş” Patelin FTB-nin növbəti direktoru olacağını elan edirəm.

Keş parlaq hüquqşünas, müstəntiq və “Öncə Amerika” mübarizidir, o, öz karyerasını korrupsiyaya qarşı mübarizəyə, ədaləti müdafiə etməyə və Amerika xalqını qorumağa həsr edib. O, “Russia, Russia, Russia Hoax”u ifşa etməkdə mühüm rol oynayıb və həqiqətin, məsuliyyətin və Konstitusiyanın müdafiəçisi kimi çıxış edib”.

Adalet.az xəbər verir ki, 2 gün əvvəl FTB direktorunun namizədi Senatda prosedur səsverməsindən keçib. Milli mənşəcə hindistanlı olan Keş Patel Trampın ilk administrasiyası dövründə çalışıb və bir neçə vəzifə tutub. O, Trampın fikirlərini bölüşməyən bütün FTB əməkdaşlarının işdən çıxarılmasını və agentliyin kəşfiyyat məlumat toplama rolundan məhrum edilməsini təklif edib.
Qeyd edək ki, Patel 25 fevral 1980-ci ildə Nyu-Yorkun Garden City şəhərində hindistanlı mühacir ailəsində anadan olub .

P.S. Nə əcəb ermənilər bunu da erməni çıxarmayıb?

 Əntiqə Rəşid